上篇提到嘅自選行程,真係各有特色,無論你係去登別熊牧場、札幌手稻滑雪場、定係定山溪溫泉,每一個選擇都係一次難忘嘅體驗!選擇去登別熊牧場,就可以近距離同北海道棕熊互動,你仲可以買飼料親手餵棕熊,睇住佢哋大口大口咁食,呢個經歷相信一定係畢生難忘嘅!至於鐘意挑戰自我,點少得嚟到札幌手稻滑雪場。係粉雪世界中盡情滑雪,見到大家都玩到唔捨得停!而比較鍾意輕鬆悠閒嘅體驗,定山溪溫泉就絕對必去!可以舒緩身心,體驗靜謐嘅幸福時光,呢啲就係北海道限定嘅滋味!
旅程中,公司亦為大家準備咗非常精彩嘅業務會議。喺會議上,公司分享咗最新嘅業務資訊同市場動向,仲安排咗領導人分享同表揚環節,透過經驗交流,激勵大家繼續喺安利事業中突破自我,邁向更高嘅巔峰。至於晚宴,真係整個旅程嘅重頭戲!晚宴以「安利動漫巨星」為主題,見到大家都心思盡出,打扮成唔同嘅動漫角色,展現咗大家無限嘅創意同熱情!當晚競爭氣氛非常熱烈,大家務求爭奪「終極神還原大獎」、「最具創意大獎」同「最佳團隊服裝獎」三個大獎,場面真係笑聲不斷,精彩連連!
整個旅程,大家唔單止親身體驗咗北海道嘅壯麗風光同地道文化,仲喺過程中拉近彼此嘅距離,每一刻都令人難以忘懷。期待下一年嘅《領導海外研討會》,我哋約定喺澳洲黃金海岸見!