2023出走香港Day 4：主題晚宴 — 70年代之夜

終於嚟到萬眾期待嘅主題晚宴，今年主題係Flashback 70s – Let’s Groove，晚宴場地於Shed 10舉行。Shed 10係一座具有歷史價值嘅建築物，前身係奧克蘭港嘅貨物倉庫，經過改造同翻新，而家已成為一個流行嘅活動場地，建築物嘅歷史同風格則仍然被保留落嚟。

場地佈置非常用心，化身成70年代嘅Disco舞廳，燈光及音樂都非常到位，Shed 10嘅獨特氛圍亦為晚宴增添不少色彩。大家嘅衣著打扮都非常有心思，身穿代表70代嘅經典服飾，例如迷幻印花裙、緊身褲、高腰牛仔褲等。晚宴壓軸嘅環節更令人引頸以待，就係由評審團選出三位最佳服裝得獎者，並由安利（香港）副總裁姜張麗青女士及安利（香港）總經理郭麗菁女士頒發獎項。最後當然要嚟張大合照，見證大家喺奧克蘭度過咗一個難忘嘅70年代之夜！

當晚大家盡情享受著70年代的氛圍，除咗現場樂隊表演外，仲有一班精湛舞蹈表演者為大家帶嚟一連串熱舞，將現場嘅熱熾氣氛推向高峰，為今次奧克蘭之旅劃上完美句號。期待好快可以再同大家見面，一齊慶祝再創下一個高峰！