葡玩葡食 Day 5

葡萄牙之旅即將結束，喺旅程最後一日，我哋嚟到國家瓷磚博物館，一睹館內瓷磚收藏，並了解有關葡萄牙嘅瓷磚歷史同製作過程，大家更參加咗藍彩瓷磚工作坊體驗呢。我哋嘗試親手製作藍彩瓷磚，呢個係一個非常有趣嘅體驗，大家都花盡心思，設計具個人風格嘅瓷磚，為今次旅程留下紀念。

傍晚時分，我哋嚟到Red Cross Palace出席業務會議同主題晚宴。業務會議上，公司為大家分享最新業務資訊同市場動向，藉此更了解產品特性；同時亦向在場親友分享聚焦大健康嘅生活方式。要達成目標，鼓勵同支持非常重要，我哋亦透過業務會議鼓勵大家堅持為夢想奮鬥，朝住更高目標邁進。

緊接業務會議就係大家期待已久，以面具舞會為主題嘅晚宴，大家都以紅、黑色服飾精心打扮，配搭特色面具，盡情享受當晚愉快嘅氛圍，度過一個難忘嘅晚上，為葡萄牙之旅劃上完美句號。

期待好快可以再同大家見面，一齊分享安利（香港）成立50周年嘅喜悅。