葡玩葡食 Day 1 & 2

繼早前4月嘅紐西蘭領導海外研討會，相隔約兩個月，2021/22年度安利（香港）鑽石精英旅遊研討會已經出發到葡萄牙，同每位領導人一齊體驗葡萄牙嘅獨特文化。

旅程第一日，我哋扺達波爾圖之後，率先乘搭市內電車，沿住海岸線穿梭城市嘅橫街窄巷，欣賞波爾圖嘅美景同獨特建築風格，展開探索葡萄牙嘅第一步。晚飯時間，我哋到訪米芝蓮星級餐廳Cafeina一嚐當地精緻美食。

第二日，我哋嚟到杜羅河，乘搭遊船觀光，欣賞河畔兩旁猶如童話故事一樣美麗嘅彩色小屋，令人目不暇給。之後，我哋亦參觀咗著名嘅World of Wine (WOW)，了解葡萄酒文化同歷史。當日嘅另一個重點環節，就係參觀泰勒酒莊(Taylor’s)，佢係一個歷史悠久嘅酒莊，生產高品質嘅波特酒。喺參觀過程中，我哋品嚐到各種唔同風格嘅波特酒。傍晚時分，我哋去到聖卡塔琳娜街(Rua de Santa Catarina) 觀光購物，搜羅當地特色產品。

接落嚟嘅行程，我哋會去到里斯本，進一步探索葡萄牙嘅文化同景點。更多精彩相片將陸續上載，記得密切留意！