葡玩葡食 Day 3 & 4

去到旅程第三日，我哋分別嚟到納扎雷同奧比多斯觀光，四處都散發住濃厚嘅文化氣息。

我哋仲參觀咗奧比多斯城堡，呢座中世紀城堡被譽為係葡萄牙最美麗嘅城堡之一，我哋仲可以喺城堡入面品嚐當地著名嘅櫻桃酒，甜美嘅酒香令人回味無窮。

當我哋仲回味緊櫻桃酒濃郁嘅果香，第四日我哋就出發前往被譽為葡萄牙天涯海角嘅地方—羅卡角。大家沉醉喺一整片蔚藍色嘅大海、欣賞壯麗嘅海岸線同埋懸崖峭壁，用心紀錄水色秀麗嘅風景。

接住我哋就嚟到里斯本嘅貝倫區，走進被列為世界文化遺產嘅貝倫塔，係葡萄牙港口經典嘅地標建築。我哋仲參觀咗一個為紀念葡萄牙探險家而建造嘅發現者紀念碑，深深感受到葡萄牙嘅探險精神。除左到訪別具歷史同文化氣息嘅景點之外，當然唔少得去羅西歐廣場同商業廣場感受一下里斯本嘅現代風貌。

精彩相片將陸續上載，記得密切留意！