五大創業關鍵 - 你準備好未？（1）

創業路充滿挑戰，但同時都蘊含無限可能。對年輕人嚟講，創業的確係一個唔容易嘅決定，當中要考慮唔少嘅因素，例如要考慮投入大量時間、精力同資金等。但創業有機會係實現夢想嘅捷徑，仲諗緊有咩副業推薦或想成為Slasher「斜槓族」? 不如先做好充分準備，你都可以圓創業夢。

只要喺創業前做好以下五大準備，你必定會邁向成功。今次先同大家介紹其中三項關鍵:

1. 掌握專業技能

創業最好同自己嘅專長或興趣相結合，就好似時下年輕人鍾意運動健身、護膚化妝、注意營養飲食、身心靈平衡等。你可以喺呢幾方面持續學習同深造，例如體重管理同營養課程等，掌握相關知識同提升競爭力都係創業成功嘅關鍵。

2. 培養創新思維

創業嘅本質係解決問題。年輕人應培養敏捷嘅思維，觀察生活中嘅演變，敢於跳出常規，例如時下都市人更加注重健康生活，不單只係追求飲食均衡，更要全面嘅營養補充配合運動，而對運動種類及功效嘅要求亦有所提升，除咗身體健康仲要關注埋心靈健康，所以培養創新思維，尋找獨特嘅解決方案及新商機，對創業十分重要。

3. 專注學習及加強適應能力

創業需要不斷學習同適應轉變。技術、市場、法規各方面嘅知識都至關重要。若然有創業「過來人」分享經驗或者一班志同道合嘅夥伴互相交流必定事半功倍，不過有啲創業環境沒有充足資源、培訓或支援，咁年輕人要更加對身邊嘅人同事保持好奇心，不斷探索新領域，有助於喺競爭激烈嘅市場中立足。

記得留意下一部分，將會同大家分享最後兩項嘅關鍵準備！