五日四夜嘅《領導海外研討會 - 北海道之旅》已經完滿結束!今次呢個冬季探索嘅夥伴同遊之旅,喺2月17日同18日分批由香港出發,去到如詩如畫嘅北海道。喺呢片銀白壯麗嘅雪國大地,ABO夥伴們都被震撼住,並且喺多姿多彩嘅活動中加深彼此嘅聯繫,就等我哋一齊回顧吓呢次旅程嘅精彩時刻啦!
第一站,大家滿懷期待嚟到北海道嘅札幌市,立即被呢度嘅獨特冬日氛圍所吸引。札幌嘅熱情更令大家喺冬日感受到格外溫暖。到埗之後,大家都急不及待去探索札幌市內嘅魅力,試吓當地嘅地道美食,例如拉麵同海鮮丼,又或者漫步街頭,感受冬日嘅浪漫氣息。
除札幌之外,我哋亦嚟到浪漫嘅港都小樽,展開一日嘅精彩遊覽。小樽古運河兩岸嘅石造倉庫同冬日雪景互相輝映,簡直好似童話世界咁夢幻,令人流連忘返!仲可以喺小樽商店街盡情揀選特色手信,一嚐北海道鮮奶雪糕,感受當地嘅熱鬧氛圍。之後,我哋參觀咗音樂城同北一硝子館,欣賞精緻嘅音樂盒同玻璃工藝品,當然唔少得帶住精美嘅紀念品滿載而歸啦!另外,我哋仲參觀咗白之戀人朱古力城,了解朱古力嘅製作過程,仲喺城內影咗無數打卡相。而夜晚,大家仲一齊到「蟹家」享受晚宴。「蟹家」係日本最著名同最受歡迎嘅螃蟹連鎖餐廳,當晚,大家都品嚐到正宗蟹肉菜餚,每道菜都經過精心烹製,大家歡聚一堂,喺溫馨嘅氛圍中交流彼此嘅收穫,為呢一日畫上完美句號。
今次旅程梗喺唔少得自選行程啦。大家可以根據自己嘅興趣揀唔同嘅活動路線,體驗北海道嘅多元魅力。今次嘅自選行程有4項,包括 : 登別熊牧場、札幌手稻滑雪場、定山溪溫泉或者可選擇自由活動。無論揀邊一項行程,大家都一定收穫滿滿,為呢次旅程增添咗無數美好回憶!宜家先睇住札幌手稻滑雪場嘅靚相先,好快就會有今次領導海外研討會嘅下半部分行程回顧。Stay tuned!