奧克蘭最紅景點逐個睇

去旅行，除咗五星級嘅享受外，靚景更加係不容錯失。安利（香港）為直銷商精心安排嘅旅遊獎勵行程，帶你盡情食、買、玩，保證讓你樂而忘返！今次嘅新西蘭之旅，更加係當地對外開關後，首個大型獎勵旅遊會展活動，有近400人分兩團出發，即刻帶你搶先睇下奧克蘭嘅熱門景點！

第一個必到之處：伊甸山(Mt Eden)，伊甸山係全奧克蘭嘅最高點，亦係全奧克蘭最高嘅睡火山。除咗可以欣賞到奧克蘭市中心嘅美景，更可以 360 度全方位飽覽奧克蘭市區外圍以及朗伊托托島 (Rangitoto Island)呢！

第二個checkpoint：K’ Road，K’Road曾經係奧克蘭嘅主要購物商店街，隨著時代改變，K' Road成為咗匯聚不同文化嘅社區，周邊亦有好多古董小店，感受古典與現代嘅融合。K’Road仲有一個好吸睛嘅位置，可以講係K’Road嘅標記，大家到時一定要留意呢。另外，相信大家都習慣咗香港黃色同白色嘅斑馬線，但係喺 K'Road，就有彩虹色嘅斑馬線，經過時記得影相留念呀！

第三個景點係Ponsonby Road，長長嘅Ponsonby Road入面，有多達70間café、酒吧、餐廳、快餐店……數之不盡嘅美食，留待你逐一發掘。

係時候準備定最靚嘅衫，同最重要嘅人，一齊感受奧克蘭！