探索奧克蘭的多元文化

奧克蘭市中心高樓大廈林立，想望海，就可以到高架橋港（Viaduct Harbour）同王子碼頭（Princes Wharf），呢到係一片海濱區，聚集咗各種酒吧、餐館、國際知名酒店同高級公寓，仲有好多停泊喺港口嘅遊艇，到時記得打卡check in呢。

奧克蘭仲有一個近郊嘅海濱區Mission Bay，距離市中心約15分鐘車程；喺Mission Bay，既可以欣賞日出同日落嘅美景，更可以飽覽朗伊托托 (Rangitoto) 嘅壯麗景色，係遊走奧克蘭嘅另一好去處。

到訪海濱區後，係時候享受一下shopping嘅氛圍；Queen Street係奧克蘭嘅「黃金地段」，由美食到潮流服飾，玩足半日都唔會覺得悶。同樣位於Queen Street嘅奧克蘭市政廳（Town Hall），係一座歷史建築，市政廳內擁有著名嘅人民大會堂同音樂廳，每年吸引大量遊客慕名而來。有機會的話，一定要到呢個被認為世界上音響效果最好嘅音樂廳，好好享受音樂。

仲有兩個星期多啲就出發啦！記住執好行李，一齊享受奧克蘭之旅！