2023出走香港Day 3：終極挑戰

嚟到奧克蘭，點都要挑戰一下自己嘅勇氣同膽量！既然有各種刺激嘅極限體驗等緊我哋，雖然有啲驚，但係只要有夥伴一齊，我諗大家都會齊上齊落，完成各項挑戰。以下兩個極限體驗，就係Day 3嘅「重頭戲」！

美洲盃帆船體驗—美洲盃帆船賽係帆船賽中聲望最高嘅賽事，今次我哋仲可以親身乘坐帆船，更有機會親自駕駛真正參加過美洲杯嘅帆船，一試揚帆啟航嘅感覺。

海港大橋攀登及笨豬跳—奧克蘭海港大橋全長1,020公尺，係新西蘭唯一一座開放比旅客體驗攀登嘅海港大橋。大家跟住專業教練一直攀登，抵達大橋頂部，以360°嘅視角遠眺奧克蘭城市，感受前所未有嘅視覺享受。

海港大橋亦係新西蘭唯一能夠體驗海上高空彈跳嘅據點，由43公尺高嘅跳台一躍而下，感覺超爽 ! 我哋仲參與多項海、陸運動，真係少啲體力都應付唔到呢。最開心嘅係，呢個旅程有無限XS能量飲品供應，隨時隨地補充體力！

一輪體力消耗後，大家又可以放慢腳步，感受奧克蘭寧靜嘅一面。喺綿羊世界(Sheepworld)，大家可欣賞新西蘭嘅鄉村風光、觀看牧羊犬表演、近距離感受剪羊毛嘅樂趣；大家又可以到訪懷希基島 (Waiheke Island)，參觀島上知名酒莊，品嚐原產葡萄酒，享受一個悠閒嘅下午！

更多精彩相片將陸續上載，請密切留意！