2023出走香港Day 1（續）：歡迎晚宴 @ The Maritime Room

繼奧克蘭之旅Day 1朝早去完伊甸山（Mount Eden）、使命灣（Mission Bay）等景點後，夜晚大家就到The Maritime Room出席歡迎晚宴。

歡迎晚宴由紐西蘭毛利人嘅傳統舞蹈表演「哈哢舞」（Haka Dance）拉開序幕；哈哢舞表演以肢體動作、拍打配上叫喊為主，充滿熱情嘅舞步，好快已經炒熱現場嘅氣氛！Auckland Convention Bureau 代表Ken Pereria先生隨後於歡迎晚宴致歡迎辭，歡迎安利（香港）揀選奧克蘭作為領導海外研討會嘅目的地：「奧克蘭係一個充滿活力嘅城市，薈萃不同文化，美麗嘅海灣加上各式各樣刺激嘅活動，為呢個『千帆之都』更添吸引力。希望大家喺奧克蘭享受有一個難忘嘅旅程，期待未來與安利（香港）有更多機會合作，好快可以再見到大家！」

闊別3年，各位夥伴可以再次一齊出走香港，對大家嚟講都別具意義。安利（香港）總經理郭麗菁（Amanda Kok）女士表示：「今次係疫情後，大家第一次於海外聚首一堂，亦係我出席嘅首個安利（香港）活動，能夠同大家一齊探索奧克蘭呢座美麗嘅城市，我感到非常榮幸。藉此機會，我想再次感謝各位領導人對安利嘅支持同承諾，一同創造一個又一個高峰。期望大家能享受一個開心嘅旅程，同時為邁向安利（香港）50週年注入源源不絕嘅能量！」

嚟緊幾日，我哋仲有更多精彩行程同大家一齊體驗。Stay tuned！更多花絮照片，即將上戴，敬請密切留意！